Barnoev Ulug‘bek

Barnoyev Ulug‘bek Abdullayevich — Starshina

Tog‘li bazaga to‘satdan hujum uyushtirib jangarilarni yakson qildi, halok bo‘ldi.

1978-yil 1-noyabr kuni Samarqand viloyatining Kattaqo‘rg‘on shahrida tug‘ilgan. 1997-yilda O‘zbekiston Respublikasi Qurolli Kuchlari safida xizmatni boshlagan.

U. Barnoyev 2000-yil Surxondaryo viloyatining tog‘li hududlarida mamlakatimiz tinchligini buzishga qaratilgan tahdidni qaytarishda jasorat namunalarini ko‘rsatdi, xalqaro terrorchilarga qarshi mardona kurashdi. 4-avgust kuni jangarilar bazasiga to‘satdan uyushtirilgan hujum davomida guruhni pulemyotdan qo‘llab-quvvatlash vaqtida yaralandi va mardlarcha halok bo‘ldi.

Xalqimizning asl farzandlaridan biri Ulug‘bekning yondaftarchasida shunday so‘zlar bor: «Orqamda Vatanim, xalqim va millatim turibdi. Men ularning himoyachisi, o‘zbegimning Ulug‘begiman! Ularni nainki jismu jonim, balki ruhim ham abadiy qo‘riqlaydi».

Ulug‘bek Barnoyev O‘zbekiston Respublikasi Prezidentining 2000-yil 25-avgustdagi farmoniga muvofiq xizmat burchini bajarish chog‘ida mardlik, jasorat va fidoyilik ko‘rsatgani uchun «Jasorat» medali bilan mukofotlandi. Samarqand viloyati, Kattaqo‘rg‘on shahridagi o‘zi ta’lim olgan kollej bugun Ulug‘bek Barnoyev nomi bilan ataladi.

Loyiha Yillar Qahramonlar Xotira devori Xotira burchagi
O‘zbekiston Mudofaasi Qahramonlari

VATAN — AZIZ, JASORAT — MANGU

Xizmat burchini bajarish chog‘ida halok bo‘lgan 28 harbiy xizmatchi. 28 ism. 28 taqdir. Bitta Vatan.

Qahramonlarni ko‘rish→ Loyiha haqida
Pastga
28
qahramon
1999 — 2013
Loyiha haqida

Ular yurt tinchligi uchun jonini fido qildi. Biz ularning nomini saqlaymiz.

Mustaqillik yillarida xalqaro terrorchi to‘dalarga qarshi janglarda, Andijon voqealarida va davlat chegarasini qo‘riqlashda 28 nafar harbiy xizmatchi xizmat burchini bajarish chog‘ida qahramonlarcha halok bo‘ldi.

Ularning portretlari umumta’lim maktablaridagi «Xotira burchaklari»da turadi. Ushbu sayt — o‘sha xotira burchaklarining raqamli davomi: har bir qahramon haqida to‘liq ma’lumot, jasorat tarixi va u haqida saqlanib qolgan xotira.

0qahramon
0jangovar operatsiya
0ko‘cha va maktab ularning nomida
14.01Vatan himoyachilari kuni

«Orqamda Vatanim, xalqim va millatim turibdi. Men ularning himoyachisi, o‘zbegimning Ulug‘begiman!»

— Starshina Ulug‘bek Barnoyev yondaftaridan, 2000-yil
Jasorat yilnomasi

1999 — 2013

Gorizontal aylantiring yoki scroll qiling

28 qahramon

Har bir ism — bir taqdir

Xotira devori

Maktablar uchun yagona standart

Har bir umumta’lim maktabi uchun tayyorlangan «Xotira burchagi» stendi: 28 portret, unvon, tug‘ilgan yil, jasorat tavsifi va QR-kod orqali ushbu saytga o‘tish.

Xotira devori — 28 qahramon
Xotira burchagi

Portretlar maktablarga qaytmoqda

Yillar davomida maktablardagi xotira burchaklaridagi portretlar eskirdi, rangi o‘chdi. Bu loyiha qahramonlar oilalari tashabbusi bilan boshlandi: har bir qahramonning portreti qayta tiklandi, tarixi aniqlashtirildi va zamonaviy, yagona standartdagi stend ishlab chiqildi.

Maqsad — respublikadagi har bir maktabda qahramonlar xotirasi munosib e’zozlanishi va yosh avlod ularning ismini bilib ulg‘ayishi.

  • Tiklangan portretlar va tekshirilgan tarjimai hollar
  • Yagona dizayn: qorong‘i va yorug‘ variant
  • QR-kod orqali to‘liq ma’lumot