Salimov Alisher

Salimov Alisher Sattarovich — Katta leytenant

Dushman e’tiborini o‘ziga tortib safdoshlarini himoya qildi, halok bo‘ldi.

1977-yil 15-sentabr kuni Sirdaryo viloyatining Yangiyer shahrida tug‘ilgan. 1998-yilda Samarqand oliy harbiy avtomobil qo‘mondonlik-muhandislik bilim yurtini bitirgan.

2000-yil 4-avgust kuni Surxondaryo viloyatining tog‘li hududlarida katta leytenant Alisher Salimov boshchilik qilayotgan guruh xalqaro terrorchi jangari to‘dasi bilan to‘qnashdi. Tog‘larni larzaga solayotgan o‘q ovozlari vaziyat og‘irligini anglatardi. Alisher Salimov dushman snayperining orqa tomoniga o‘tib, zarba berishga qaror qildi. Tanlangan taktik yo‘l terrorchilarni sarosimaga solib qo‘ydi. Qurshovda qolgan dushman jon talvasasida o‘q uza boshladi. Katta leytenant Alisher Salimovning og‘ir vaziyatdagi qarori jangarilarning yakson etilishi bilan yakunlandi.

Jang oxiriga yetib, safdoshlari Alisherning jasadini topganlarida u oxirgi damda ham dushmanga tirik qo‘lga tushmaslik uchun qo‘lida granata va uning halqasini ushlab, qahramonlarga xos tarzda jon berganining guvohi bo‘ldilar.

Katta leytenant Alisher Salimov O‘zbekiston Respublikasi Prezidentining 2000-yil 25-avgustdagi farmoniga asosan xizmat burchini bajarish chog‘ida mardlik, jasorat va fidoyilik ko‘rsatgani uchun II darajali «Shon-sharaf» ordeni bilan mukofotlandi. Sirdaryo viloyatining Yangiyer shahridagi ko‘chalardan biriga uning nomi berilib, 4-umumta’lim maktabida Alisher Salimov qahramonligini aks ettiruvchi «Shon-shuhrat» muzeyi ochildi.

Loyiha Yillar Qahramonlar Xotira devori Xotira burchagi
O‘zbekiston Mudofaasi Qahramonlari

VATAN — AZIZ, JASORAT — MANGU

Xizmat burchini bajarish chog‘ida halok bo‘lgan 28 harbiy xizmatchi. 28 ism. 28 taqdir. Bitta Vatan.

Qahramonlarni ko‘rish→ Loyiha haqida
Pastga
28
qahramon
1999 — 2013
Loyiha haqida

Ular yurt tinchligi uchun jonini fido qildi. Biz ularning nomini saqlaymiz.

Mustaqillik yillarida xalqaro terrorchi to‘dalarga qarshi janglarda, Andijon voqealarida va davlat chegarasini qo‘riqlashda 28 nafar harbiy xizmatchi xizmat burchini bajarish chog‘ida qahramonlarcha halok bo‘ldi.

Ularning portretlari umumta’lim maktablaridagi «Xotira burchaklari»da turadi. Ushbu sayt — o‘sha xotira burchaklarining raqamli davomi: har bir qahramon haqida to‘liq ma’lumot, jasorat tarixi va u haqida saqlanib qolgan xotira.

0qahramon
0jangovar operatsiya
0ko‘cha va maktab ularning nomida
14.01Vatan himoyachilari kuni

«Orqamda Vatanim, xalqim va millatim turibdi. Men ularning himoyachisi, o‘zbegimning Ulug‘begiman!»

— Starshina Ulug‘bek Barnoyev yondaftaridan, 2000-yil
Jasorat yilnomasi

1999 — 2013

Gorizontal aylantiring yoki scroll qiling

28 qahramon

Har bir ism — bir taqdir

Xotira devori

Maktablar uchun yagona standart

Har bir umumta’lim maktabi uchun tayyorlangan «Xotira burchagi» stendi: 28 portret, unvon, tug‘ilgan yil, jasorat tavsifi va QR-kod orqali ushbu saytga o‘tish.

Xotira devori — 28 qahramon
Xotira burchagi

Portretlar maktablarga qaytmoqda

Yillar davomida maktablardagi xotira burchaklaridagi portretlar eskirdi, rangi o‘chdi. Bu loyiha qahramonlar oilalari tashabbusi bilan boshlandi: har bir qahramonning portreti qayta tiklandi, tarixi aniqlashtirildi va zamonaviy, yagona standartdagi stend ishlab chiqildi.

Maqsad — respublikadagi har bir maktabda qahramonlar xotirasi munosib e’zozlanishi va yosh avlod ularning ismini bilib ulg‘ayishi.

  • Tiklangan portretlar va tekshirilgan tarjimai hollar
  • Yagona dizayn: qorong‘i va yorug‘ variant
  • QR-kod orqali to‘liq ma’lumot